الخميس الاسود للجمهور الرجاوي

ما يقارب 15 رجاوي لي مشدودين ظلما في أحداث الخميس الأسود ، منهم واحد الأخ من المحمدية مشدود لسبب تافه ، فقط لانه إبن المحمدية ملي جاو عندو البوليس قالوا ليه فين ساكن قال ليهم المحمدية و هوما يطلعوه ، و هاهو دابا غا يتحاكم جنايات ، حشومة خوتنا يضيعو في قرايتهم و مستقبلهم ، خاصنا نعاونوهم ، كون كان شي واحد معروف كون راه راحنا نوضنا روينة ، و ملي هادو غير ناس درواش ، همهم الوحيد تشجيع الرجـــــــاء حتى واحد ما تسوق ليهم ، هاهما قربو يكملو شهر و هوما في الحبس على الأفعال لم يشاركوا فيها ، كانوا فقط ضحية لحملة أمنية تعتقل كل من هب و ذب !!!!!!!!

الحرية للمعتقلين الرجـــــــاويين ! شوفو مساكن الأباء ديالهم كي معذبين ، الله يسمح لينا من الواليدين

Read More ->>

لاعب رجاوي ضحية شعب لا يفهم معنى الاحترام ???

لاعب رجاوي  ضحية شعب لا يفهم معنى الاحترام

شاهد عيان: يروي،سبب شجار حمزة بورزوق هذا اليوم !

تكديبا لكل الاشاعات هاهي الرواية الحقيقية لحادثة بورزوق من احد احد الاخوة
وي خويا السلام ، المهم انا كنت جاي من السونطر بانت ليا نايضة مطايفة فالاول بان ليا غير ولد الدرب مطايف
مشيت كنجري و هو يبان لي بورزوق ، برد عليا الما فالركابي ماعرفت ماندير وحق الله خصوصا ملي شفتو متكي على داك الدري ولد الدرب لي مطايف معاه و مطيحو للارض مشينا كنجريييييييو باش نفكو ، جا خو داك الدري لي مطايف معا بورزوق ضرب بورزوق من اللور بحديدة خداها من عند واحد السودور كاين فالدرب ، ضربو من اللور للراس و هو يحل ليه راسو ، خسسسسسســــارة ا خويا ماجينا نوصلو لقيناه ضربو ، فاكيناهم و بدينا كنبردو ف بورزوق ، جبنا ليه الماء و فوطة باش يمسح داك الدم
و كيفما قلت ليك و الله حتى Gـاع ولاد الدرب بقا فيهم الحال حيت بورزوق حس براسو تحـGـر ..
المهم سولنا علاش نوضوها ، Gـالك هو كان جاي من لونطريما هو و معاه خوه الصغير (راه هو لي لابس الليموني فديك التصويرة لي تلاحت فالفايسبوك فالصفحات الرجاوية راه انا لي صورتها ..) المهم ملي وصلو للزنقة عندنا ، الزنقة كتخرج للشارع ( الشارع ليبنا و بين السيال .. بين بوسيجور و السيال ..) هداك الدر ولد الدرب عندو هارلي كان جاي من الشار و باغي يدخل للزنقة .. المهم نوضوها على شكون عندو الاسبقية يدوز ... هبط هداك الدري ولد الدرب ضرب خو بورزوق بتصرفيقة .. بورزوق نزل من الطوموبيل و على ماGـالو كان هاز معاه ماطراك .. المهم نوضوها مطايفة و كيفما قلت ليك بورزوق طيح داك الدري ولد الدرب فالارض و جا خو داك الدري كيجري ملي شاف خوه مطيحو بورزوق ، خدا حديدة من عند سودور و هو يضرب بورزوق للراس و للكتف ..
صراحة هاد 2 خوت لي نوضوها معا بورزوق مامسوقييييييينش لشي كووورة Gـــــــاع ، ناس لابآس عليهم بزآف و Gـعما مسوقين للكورة ، ولكن ملي سمع بلي راه لعاب ديال الراجا و المنتخب ندم بزآف .. بغا يتسامح معاه و لكن راك عارف بورزوق عاد مازاد جعر ملي بغا يتسامح معاه
جا متولي حيت كيسكن فالدرب عندنا و بقا معا بورزوق تا جاو البوليس و مشاو كاملين للدار الحمرا ...
المهم ا خويا بالنسبة لهادوك لي كيGـولو ليك وداديين هما لي دارو هاد الفعلة ، واخا انا رجاوي حشومة نطيحو عليهم باطل ، بالعكس و حق الله حتى Gـاع ولاد الدرب الوداديين ملي شافو داك المنظر بقا فيهم الحال بزآف ، حيت راه لعاب ديال المنتخب و ولد البلاد ... و حتى من قرعة الماء و فوطا واحد الودادي هو لي مشا كيجري و جابهم ليه .

Read More ->>